Awyr y Nos Rhagfyr 2020

5ed: Cawod sêr gwib Llyn Dôn (ffigwr 1), yn weithredol, 1af i’r 8fed, gyda’r uchafbwynt ar y 5ed. Yn weithredol drwy’r nos, gyda’r arddangosiad orau o gwmpas 21:00/23:00 yng nghytser Andromeda, yn ymylu ar Lys Dôn (ffigwr 2). Bydd y sêr gwib yn ymddangos ar gyflymder o tua 16.7 cilomedr yr eiliad.

Ffigwr 1.

Ffigwr 2.

8fed: Cawod sêr gwib yr Uncorn (ffigwr 3), Yn weithredol ar y 5ed i’r 20fed ac ar eu hanterth ar yr 8fed/9fed. Bydd yn pelydru o gytser yr Uncorn (ffigwr 4). Yn weledol 19:00 hyd 07:30, bydd y pwynt pelydrol uwch y gorwel yn y Gorllewin. Ddim i’w gamgymryd ag yr Uncorn  (alffa) ar y 21ain o Dachwedd.

Ffigwr 3.

Ffigwr 4.

11eg: (Sigma) - Cawod sêr gwib y Ddyfrsarff (ffigwr 5) o’r 3ydd i’r 15fed, gyda’r uchafbwynt ar 11eg/12fed. Yng nghytser y Ddyfrsarff (ffigwr 6) ac yn weledol rhwng 21:00 a 07:30 bob nos. Cyflymder sêr gwib 58 cilomedr yr eiliad gyda thua 3 o sêr gwib bob awr.

Ffigwr 5.

Ffigwr 6.

13eg: Sêr gwib yr Efeilliaid (ffigwr 7) yn weledol rhwng 14eg a’r 17eg gyda’r uchafbwynt ar y 13eg/14eg. Cytser yr Efeilliaid (ffigwr 8). bydd y gawod yn weithredol yn ystod oriau o dywyllwch, gyda’r arddangosfa orau rhwng 01:00 a 02:00. Mae posib gweld tua 80 a 120 o sêr gwib bob awr.

Yn cychwyn o 3200 Phaethon (asteroid paladiwm (planed fechan), ffigwr 9). Meteorau'r Efeilliaid a’r Cwadrantau yw’r unig gawodydd sêr gwib nad ydynt yn deillio o gomed. Mae cyflymder y sêr gwib yn debygol o fod 25 cilomedr yr eiliad.

Ffigwr 7.

Ffigwr 8.

Ffigwr 9

15fed. Mae Cawod Sêr gwib Gwallt Bereinicid (ffigwr 10) yn weledol o’r 12fed i’r 23ain gyda’r rhan fwyaf o sêr gwib ar y 15fed/16eg, yng nghytser y Llew (ffigwr 11) ac yn weledol bob nos o 22:30 i 07:40. Cyflymder sêr gwib tua 65 cilomedr yr eiliad.

Ffigwr 10.

Ffigwr 11.

17eg: Cysylltiad y Lleuad ac Iau (ffigwr 12). Daw yn weledol tua 15:30 (GMT) uwch y De Orllewin. Yn weledol i’r llygad noeth neu drwy ysbienddrych os am gael gwell golwg. Bydd Iau 881.6 miliwn o gilomedrau o’r Ddaear, bydd y Lleuad 376888 cilomedr o’r Ddaear.

17eg: Cyswllt y Lleuad a Sadwrn (ffigwr 13). Yn weledol o 15:30 gyda’r Lleuad yng nghytser yr Afr (ffigwr 14 a 15)

Ffigwr 13

Ffigwr 14

Ffigwr 15: yn weledol gyda’r llygad noeth

19eg: Sêr gwib Rhagfyr y Llew Bach (ffigwr 16) yng nghytser y Llew Bach (ffigwr 17). Yn weithredol 5ed o Ragfyr 2020 i’r 4ydd o Chwefror 2021. Yn weledol 19:50 hyd at 07:40 bob nos. Uchafbwynt y sêr gwib ar 19eg.

Ffigwr 16

Ffigwr 17

21ain: Heulsaf Rhagfyr (ffigwr 18,19). Diwrnod byrraf 2020 yn hemisffer y Gogledd, diwrnod canol gaeaf.

22ain: Cawod sêr gwib Yr Arth Fach (ffigwr 20) 17eg i’r 26ain gyda’r uchafbwynt ar y 22ain/23ain. Bydd y pwynt pelydrol yng nghytser yr Arth Fach (ffigwr 21), a bydd y gawod yn weithredol drwy’r nos, gyda’r arddangosfa orau cyn y wawr. Mamgorff, comed 8P Tuttle.

Ffigwr 20

Ffigwr 21

RHYBUDD: Peidiwch byth a cheisio edrych drwy ysbienddrych neu delesgop ar rywbeth sydd yn agos i’r haul. Peidiwch byth chwaith a cheisio edrych ar yr haul gyda’ch llygad, gallwch gael ei dallu o ganlyniad. Defnyddiwch offer pwrpasol bob tro.

Bydd y feddalwedd Stellarium yn gymorth gwych i gael hyd i wrthrychau yn yr awyr. Mae’n declyn da ar gyfer seryddiaeth hefyd.

Mark R Smith FRAS FRi

Ffisegwr

Ymasiad Niwclear Ffisegol

Astroffiseg